Home

Atenshon: kambionan na ODIM enkonekshon ku corona virùs

En konekshon ku e pandemia di Corona Vírùs (Covid-19), Gobièrnu di Kòrsou huntu ku Fundashon SIFMA / ODIM ta trese lo siguiente dilanti.

Manera ya Gobièrnu a informá meskos ku ta konta pa skolnan, tur sentro pre-eskolar (den boka di pueblo ‘krèsh’) i sentronan di edukashon despues di ora di skol ta será te un próksimo aviso. Tur aktividat, tur enkuentro, kurso, nochi di informashon ta keda kanselá, te un próksimo aviso.

E petishon ta bai pa mayornan:

1. Buska un kuido pa su yu(nan) den e periodo aki. Ta rekomendá pa no buska personan mayor di edat, komo esakinan ta e grupo di riesgo haltu.

2. Mayornan k uta balorá den un profeshon k uta eksihí di nan k unan mester mester tan a trabou manera p.e.; enfermería, enseñanza, supermekado, hustisia, media, transporte publiko, selikor i tin yu entre 0 pa 4 aña, por tuma kontakto pa e yu bishitá un sentro di krisis durante e periodo aki.

3. Na momento ku hasi petishon pa e yu bishitá e sentro pa krisis, lo hasi algún pregunta kòrtiku pa evaluá e petishon i bai di acuerdo.

4. Pa kualke pregunta i/òf pregunta, por tuma kontakto ku koleganan di Fundashon SIFMA/ODIM na e siguiente numbernan di telefon;

670-2930 /

670-2931 /

670-2932 /

529-7369 /

562-7369

Laga nos mantene kalma, sigui intrukshon nan di Gòbiernu di Kòrsou i kuida nos mes. Forsa!

NA KI MOMENTU BO YU TA BINI NA REMARKE PA SUPSIDIO?

Aki ta sigui e kriterianan pa por bini na remarke pa supsidio:

- Pa edukashon preeskolar: Bo yu ta entre 0-4 aña

- Pa edukashon poseskolar : Bo yu ta entre 4-18 aña

- Mamanan soltera ku un salario máksimo di naf.1500.00

- Mayornan ku huntu tin un salario máksimo di naf. 2000.00

- Mama ku tin un desabilidat mental

- Muchanan entre 0-4 aña ku tin un estorbo spesífiko den nan desaroyo, abase di konseho di Sentro pa Inovashon i Guia Edukashonal, Ban Bario Bèk òf Wit Gele Kruis

- Mama ku ta sigui un estudio den dia na un instituto eskolar ku tin rekonosementu

- Mama ku ta sigui un entrenamentu duná pa un instituto eskolar ku tin rekonosementu

- Mama ku ta partisipá na un kurso organisá ku fondonan di entre otro Pais Curaçao

KIKO ODIM TA HASI PA BO?

Bèl òf pasa serka nos tim servisial ku lo bisabo rapidamentu si bo ta bin na remarke pa un kontribushon pa e asina yamá, "kindplaatssubsidie" òf "subjectsubsidie". Mester pasa personalmente si i trese diferente dokumento. Si bo tin un sentro preeskolar kaba na mente ku ta riba nos lista, laga nos sa esaki. Nos aspirashon ta pa kaba di atendé ku bo petishon riba e mesun dia, di e forma ei e mucha por kuminsá na e sentro e dia despues ku bo a apliká. Nos no ta sòru solamente pa bo haña e supsidio i atendé ku bo petishon pero nos ta media entre abo i e sentro preeskolar di bon kalidat ku ta afiliá na ODIM.

KUA DOKUMENTO BO MESTER TRESE NA KANTOR DI ODIM?

- Último 2 slep di salario di e mama soltera.

- Último 3 slep di salario di ambos mayornan, den kaso ku e yu a wòrdu rekonosé òf a nase den matrimonio.

- Deklarashon di skol di e mama ku ta sigui un estudio den dia na un instituto eskolar ku tin rekonosementu.

- Prueba di inskripshon na kranshi ku ID di e yu

- Identifikashon bálido (Sédula, Rijbewijs òf Pasport) di mayor(nan)

- Pèrmit di estadia bálido di mayornan i e yu, den kaso ku mayornan ta estranhero

- Prueba di partisipashon na un estudio den dia finansiá ku fondonan ku ta bini di eo: Pais Curacao òf otro organisashonnan ku tin rekonosementu.

INSKRIBI BO YU ONLINE NA NOS WEPSAIT...

Wak nos wepsait... inskribi bo yu online awor pa un yudansa mas lihé. Nos serviceteam ta tuma kontakto mas lihé ku ta posibel.

Orario i adrès di ODIM su kantor

Djaluna te ku djaweps di 7:30 te 11:30 anto 13:30-16:30
Djabièrnè 7:30 te 11:30 anto 13:30-16:00

Adrès: Kaya Charles Maduro H1 Unit B, Brievengat Galleries

Bishita nos na Facebook tambe!

Logo odim huis met odim naam voluit schaal 55 met telnr

Bo yu ta bin na remarke pa risibí supsidio?

No ta tur hende tin e medionan finansiero pa por kubri kostonan pa pone un yu na un sentro(sentro preeskolar òf edukashon poseskolar). Danki na Ministerio di OWCS i SOAW ku ya pa algun aña a hasi esaki posibel. Aparte di esaki, nos ta risibí finansa tambe di otro organisashon- i kompanianan pa gruponan spesial di enfoke. Esaki ta hasi posibel pa ábo tambe por pone bo yu na un sentro preeskolar kualifiká ku ta afiliá na ODIM. Hasi esaki awe!

ESPASIO PA MUCHA DI 0- 4 AÑA

ODIM ta intermediá na nòmber di gobièrnu pa pone muchanan di un forma adekuá na vários sentro preeskolar. E sentro preeskolar mester kumpli ku e eksigensianan mínimo ankrá den e ordenansa(A.B.1997, no98). ODIM ta koloká prinsipalmente muchanan ku tin mas nesesidat na partisipashon den edukashon preeskolar, te kaminda ku mayornan ta bini na remarke pa esaki i ta kumpra e lugánan aki.
Ta paga pa espasio na sentronan kualifiká i registrá. Ta importante pa muchanan risibí bon kuido den tur sentido, p.e.espasio seif pa hunga, kuminda saludabel i un aserkamentu pedagógiko, pa e mucha por desaroyá di un forma saludabel i seif.

NA KI MOMENTU BO YU TA BINI NA REMARKE PA SUPSIDIO?

Aki ta sigui e kriterianan pa por bini na remarke pa supsidio:

- Pa edukashon preeskolar: Bo yu ta entre 0-4 aña

- Pa edukashon poseskolar : Bo yu ta entre 4-18 aña

- Mamanan soltera ku un salario máksimo di naf.1500.00

- Mayornan ku huntu tin un salario máksimo di naf. 2000.00

- Mama ku tin un desabilidat mental

- Muchanan entre 0-4 aña ku tin un estorbo spesífiko den nan desaroyo, abase di konseho di Sentro pa Inovashon i Guia Edukashonal, Ban Bario Bèk òf Wit Gele Kruis

- Mama ku ta sigui un estudio den dia na un instituto eskolar ku tin rekonosementu

- Mama ku ta sigui un entrenamentu duná pa un instituto eskolar ku tin rekonosementu

- Mama ku ta partisipá na un kurso organisá ku fondonan di entre otro Pais Curaçao

KIKO ODIM TA HASI PA BO?

KUA DOKUMENTO BO MESTER TRESE NA KANTOR DI ODIM?

- Último 2 slep di salario di e mama soltera.
- Último 3 slep di salario di ambos mayornan, den kaso ku e yu a wòrdu rekonosé òf a nase den matrimonio.

- Deklarashon di skol di e mama ku ta sigui un estudio den dia na un instituto eskolar ku tin rekonosementu.

- Prueba di inskripshon na kranshi ku ID di e yu

- Identifikashon bálido (Sédula, Rijbewijs òf Pasport) di mayor(nan)

- Pèrmit di estadia bálido di mayornan i e yu, den kaso ku mayornan ta estranhero

- Prueba di partisipashon na un estudio den dia finansiá ku fondonan ku ta bini di eo: Pais Curacao òf otro organisashonnan ku tin rekonosementu.

Edukashon preeskolar

Edukashon preeskolar: bo yu ta bon biní na un di e 9 sentronan ku ta afiliá serka nos. Klek aki pa bo haña un impreshon di nos sentronan.

Akademia

Nos akademia ta organisá anualmente entrenamentu di kaleidoskop i estudio SPW nivel 1 i 2. Banda di esaki nos ta organisá diferente workshòp ku mayornan, trainer i otro interesadonan.

Edukashon poseskolar

Edukashon poseskolar: 21 skol ta afiliá na nos guia despues di skol.

Importante pa bo sa

Reglanan pa mayornan

Aki ta sigui e reglanan ku mayor(nan) mester kumpli kuné:

1. Si bo bini na remarke pa risibí e "Subject Subsidie" serka ODIM, ta traha un kontrato ku ta kontené tur e kondishonnan i kriteria ku mayor(nan) mester kumpli kuné.

2. E supsidio ta bálido pa 1 aña, a ménos ku ODIM disidí otro.

3. Mester entregá tur formulario pa kada aña, yená segun e realidat, kompleto i entregá esaki personalmente na ODIM

4. Pa aña ta evaluá si ta kontinuá ku e supsidio abase di e formularionan ku entregá.

5. Kontribushon obligatorio di mayor di máksimo naf.35.00 pa luna, mester wòrdu pagá na e sentro preeskolar. (ODIM ta determiná e montante i mester paga esaki mensualmente na e sentro preeskolar)

6. No ta pèrmití pa kambia di instituto sin pèrmit por eksrito di ODIM.

7. E yu mester bishitá e instituto segun palabrashonan hasí entre ODIM i mayornan.

8. Si e yu, durante e periodo indiká, no ta bayendo na e instituto, ODIM por tuma e desishon pa kanselá e supsidio.

9. Den kaso ku e yu lo no bai e instituto mas, mester pone ODIM inmediatamente na altura.

10.Den kaso ku nota iregularidatnan den e instituto, mester pone ODIM na altura di esaki por eskrito.

11.Partisipashon obligatorio na workshòp ku ODIM òf Sektor Kultura i deporte ta organisá.

12.Mayornan mester tene nan mes na regla di e intituto.

13.Mayornan ku ta bayendo skol mester entregá na inisio di kada aña eskolar un deklarashon di skol nobo na ODIM.

14.Den kaso di mayor ku a bin na remarke pa un supsidio pasó e ta siguiendo un estudio , na momentu ku esaki no ta e kaso mas, por para e supsidio despues di evaluashon.

15.Riba petishon di ODIM, mayornan mester entregá dokumentonan rekerí di e kontrato.

Button inskribi 0 to 4 anja

Tradukshon di e wèpsait aki na Papiamentu, tabata na enkargo di sra. Ruthlin Martha.

template-joomspirit.com